«ҚТЖ-Жүк тасымалы» ЖШС Ақмола бөлімшесі теміржолшылар кәсіподағы күніне арналған спорттық шара өткізді

Теміржолшылар кәсіподағы күніне орай «ҚТЖ-Жүк тасымалы» ЖШС филиалы — Ақмола жүк тасымалы бөлімшесі және Бірыңғай есеп айырысу орталығы қызметкерлер арасында салауатты өмір салтын насихаттауға және корпоративтік рухты нығайтуға бағытталған спорттық іс-шара ұйымдастырды.

Бағдарламаға командалық және жекелей сайыстар кірді: эстафеталар, мини-футбол, үстел теннисі және басқа да белсенді спорт түрлері. Қатысушылар жоғары деңгейдегі ұйымшылдықты, спорттық жігер мен жолдастық қолдауды көрсетті.

Жарыс қорытындысы бойынша жеңімпаздар мен жүлдегерлер кәсіподақ комитетінің алғыс хаттары және естелік сыйлықтарымен марапатталды.

Мұндай іс-шаралар корпоративтік мәдениетті қалыптастыруға, командалық өзара әрекеттестікті дамытуға және теміржолшылар ұжымының бірлігін күшейтуге ықпал етеді.