ҚТЖ Шығыс Қазақстан облысына көмір жеткізілімдерін қамтамасыз етуде

Бұған дейін Компания тұтынушыларды уақытылы қамтамасыз ету үшін қатты отынды тиеп-жөнелту көлемдерін ұлғайту қажеттігі туралы «Қаражыра» АҚ атына бірнеше рет өтініштер жіберген.

Қазан айында жүк жөнелтуші тәулігіне 350 вагон көлемінде қажеттілік жариялаған кезде, ҚТЖ тәулігіне 707 вагон деңгейінде вагон паркімен қамтамасыз етуді қалыптастырып, бірнеше күн алға резерв құрды.

Сонымен қатар «Қаражыра» АҚ тарапынан нақты тиеп-жөнелту тәулігіне 309 вагонды құрайды, оның ішінде 151 вагон коммуналдық-тұрмыстық секторға бағытталуда.

Көмір өндіруші кәсіпорын тиеп-жөнелту көлемін арттырған жағдайда, ҚТЖ жедел түрде вагондарды тиеуге беруді және отынды түсіру орындарына жеткізуді ұйымдастыруға дайын.