ҚТЖ жаңа буындағы цифрлық платформаны әзірлеуде

Жаңа жүйе Компанияның корпоративтік, кадрлық және әлеуметтік сервистерін бірыңғай цифрлық кеңістікте біріктіреді.

Не өзгереді:

• қызметкерлердің корпоративтік және өндірістік жүйелерге бірыңғай қол жеткізуі;

• жекелендірілген HR-құралдар мен талдамалар;

• әлеуметтік бағдарламаларды цифрландыру;

• ішкі процестерді автоматтандыру;

• ақпараттық қауіпсіздік пен деректерді қорғау деңгейін арттыру.

Платформа заманауи архитектуралық қағидаттар негізінде жасалып, ҚТЖ-ның негізгі корпоративтік жүйелерімен интеграцияланады.

Барлық шешімдер ISO 27001 және СТ РК 1695-2007 стандарттарына сай болуы, деректердің тапсырыс беруші инфрақұрылымында сақталуын қамтамасыз етуі тиіс, сондай-ақ бағдарламалық өнімдерге айрықша мүліктік құқықтар Компанияға беріледі.

Іске қосу — 2026 жыл.
Инициатива теміржол көлігі саласында цифрлық технологияларды дамытуға бағытталған.

ҚТЖ отандық IT-компаниялар мен стартаптарды өз әзірлемелері мен технологиялық шешімдерімен бөлісуге шақырады.

Ақпаратты ұсынылатын өнімдер немесе технологиялар туралы қысқаша сипаттама түрінде жолдауды сұраймыз.

Ұсыныстарды 2025 жылғы 21 қазанға дейін мына мекенжайларға жіберіңіз:
[email protected]