Теміржол көлігімен жүк тасымалы биылғы 8 айда 4%-ға өсті

2025 жылдың қаңтар–тамыз айларында «ҚТЖ» ҰК» АҚ желісі бойынша 204 млн тонна жүк тасымалданды, бұл өткен жылдың осындай кезеңімен салыстырғанда 4%-ға көп. Соның ішінде елішілік тасымал 114 млн тоннаға (+2%) жетті, экспорт — 56,1 млн тонна (+8%), транзит — 19,6 млн тонна (+10%).

Көрсеткіштердің өсімі негізгі номенклатуралар бойынша қамтамасыз етілді. Есепті кезеңде 67,7 млн тонна таскөмір тасымалданды, бұл өткен жылдың сәйкес кезеңінен 4%-ға жоғары. Экспорт 21,3 млн тоннаны (+12%) құрады, ал Қазақстан аумағындағы қатты отын тасымалы — 44,6 млн тонна (+1%). Астық тасымалы 17%-ға өсіп, 9,1 млн тоннаға жетті: оның ішінде экспорт — 6,1 млн тонна (+52%), елішілік тасымал — 1,7 млн тонна (+47%).

Мұнай жүктерін тасымалдау 18,3 млн тонна (+8,6%), құрылыс жүктері — 14,3 млн тонна (+4%), химикаттар — 9,2 млн тонна (+9%), минералдық тыңайтқыштар — 5,1 млн тонна (+16%), қара металдар — 10,3 млн тонна (+9%) болды.

«ҚТЖ» ҰК» АҚ жүк жөнелтушілердің ішкі және экспорттық өтінімдерін уақтылы орындап, жүк тасымалын тұрақты түрде қамтамасыз етуді жалғастыруда.