Достық станциясында Қытайға экспорттық жүктерді тапсыру бойынша рекорд орнатылды

2025 жылғы 9 шілдеде Достық станциясында Қытайға экспорттық жүктерді тапсырудың жаңа рекорды тіркелді — тәулік ішінде 28 пойыз, яғни 1060 вагон жөнелтілді.

Бұл жетістік процеске тартылған «ҚТЖ» ҰК» АҚ-тың барлық қызметтері мен бөлімшелерінің және көршілес тараптың жоғары жауапкершілігі, үйлесімді әрекеттестігі мен кәсібилігінің нәтижесі болды.

Компания шекарааралық тасымалдар әлеуетін арттыруды, логистикалық процестерді жетілдіруді және Қытай Халық Республикасымен теміржол көлігі саласындағы ынтымақтастықты нығайтуды жалғастыруда.