«ҚТЖ» ҰК» АҚ қызметкерлері Astana Triathlon Half жарысында жүлдегер атанды

Астана қаласында триатлонның әуесқойлары мен кәсіпқойларын бүкіл ел бойынша жинаған ауқымды Astana Triathlon Half сайысы өтті. Қатысушылар арасында эстафеталық жарыстарға команда болып қатысқан «ҚТЖ» ҰК» АҚ өкілдері де бар.

Жарыс қорытындысы бойынша ҚТЖ командасы ерлер эстафетасында бірінші орын алды.
Жеңімпаздар құрамына енгендер:

• Ахмадиев Еркебұлан (НОДГП Семей)

• Ғаббасов Абзал Олжабайұлы (НОДГП Ақтөбе)

• Бегәдилов Нұрлан Мысырыұлы (НЖС Семей)

Аралас эстафетада қола жүлдені мына құрамдағы команда иеленді:

• Қуанышқан Расулан Бейсенұлы (ЦПД Астана)

• Әбуова Ханшаим Жұмабекқызы (ЦИП Астана)

• Қабиев Сағат Серикович (ЦРПБ Астана)

Мұндай спорттық іс-шараларға қатысу қызметкерлер арасында салауатты өмір салтын насихаттауға, командалық рухты нығайтуға септігін тигізеді әрі теміржолшылардың өз мамандығына адалдығын ғана емес, спортта да табысты екенін дәлелдейді.

«КТЖ – Жүк тасымалы» ЖШС өз қызметкерлерін лайықты көрсеткіштерімен құттықтап, жаңа спорттық жеңістер тілейді!