35 жыл үздіксіз қызметте

Жүк құжаттарын өңдеу операторы Нұрхан Ханжаббарова станцияны бес саусағындай біледі. Оның теміржолдағы еңбек өтілі — 35 жыл. Ол тасымал құжаттарын ресімдеп, тексереді және мәліметтерді АСУ ДКР автоматтандырылған жүйелеріне жібереді.

«Натуралық ведомосты түсіну — күрделі ребусты шешумен бірдей, — дейді ол. — Ең бастысы — ешбір ұсақ-түйекті назардан тыс қалдырмау. Құжаттағы қате — тек қағаздағы жаңсақтық емес, ол жолда да үлкен мәселеге айналуы мүмкін».

Бұл жұмыста ерекше жады қажет — ойда үнемі ондаған шифр мен сан жүреді. Дәлдік, ұқыптылық және ережелерді терең білу — оның лауазымындағы нағыз кәсіби шеберліктің формуласы.

Алматы-1 станциясы ҚТЖ желісінде жұмыс көлемі бойынша көш бастап тұр. Бұл тізбекте әр адам, әр шешім маңызды. Ондаған маманның еңбегі теміржолды сағат тетігіндей дәл етеді.