Ақмола өңірінде көктемгі комиссиялық тексеру өтуде

Ақмола өңірінде теміржол инфрақұрылымы объектілерін көктемгі комиссиялық тексеру басталды.

Дәстүрлі іс-шара барысында жол шаруашылығының жай-күйі бағаланады, жазғы жөндеу-жол жұмыстарының көлемі анықталады, сондай-ақ оларды жедел жою үшін нормативтік құжаттардың талаптарына сәйкес келмейтін жағдайлар анықталады.

Комиссия құрамына «ҚТЖ – Жүк тасымалы» ЖШС – « Ақмола ЖТ бөлімшесі» филиалының директоры Саят Бекенов, магистральдық желінің Ақмола бөлімшесінің басшысы, бас өңірлік ревизор, сондай-ақ барлық бейінді мамандар кірді.

Комиссия қатысушылары еңбекті қорғау, поездар қозғалысының қауіпсіздігі, санитарлық-тұрмыстық жағдайлар, жұмыскерлерді жазғы арнайы киіммен және тұрмыстық техникамен қамтамасыз ету, сондай-ақ бөлімше ұжымының әлеуметтік тұрақтылығы мәселелеріне ерекше назар аударады.

Жергілікті жерлерде желілік кәсіпорындардың басшылары аралықтарда бекітілген учаскелер мен бөлу жолақтарын жинау бойынша жоспар-кесте әзірледі. Жалпы бөлімшеде шаруашылықтарды жазғы тасымалдауға дайындау бойынша айтарлықтай жұмыстар атқарылды.

ЖТ бөлімшесінде даярлау және біліктілігін арттыру мақсатында жаңадан тағайындалған станция басшылары мен инженерлік-техникалық қызметкерлерді оқыту жоспарланған. Ол үшін бөлім бастықтары мен бөлімшенің жетекші инженерлері қатысатын үш күндік бағдарлама жасалды.

Көктемгі комиссиялық тексеру нәтижелері бойынша шаруашылықтарды жазғы кезеңде жұмысқа жақсы дайындағаны үшін кәсіпорын басшылары атап өтілетін болады.