Чунциннен Ташкентке алғашқы тұрақты жүк пойызы жолға шықты

Қытайдың оңтүстік-батыс мегаполисі мен Орталық Азия арасында тұрақты теміржол жүктері іске қосылды.

Пойыз Қытай аумағынан Қорғас бақылау-өткізу пункті арқылы өтті. Құрам Чунцин кәсіпорындарында өндірілген полиэфир түйіршіктерінің партиясын тасымалдайды. Ол 4 700 шақырым қашықтықты еңсеріп, шамамен 12 күннен кейін Ташкентке жетеді.

China Railway Chengdu Group Co., Ltd. компаниясының хабарлауынша, бұл бағыт бойынша жүк тасымалы айына екі рет жүзеге асырылатын болады. Компанияның аға инженері Сю Мэйцюн жаңа қызмет  кедендік тазартуды, тауарларды уақтылы жеткізуді қамтамасыз ететінін және жиынтық шығындарды төмендететінін атап өтті. Бұл Қытайдың батыс өңірі мен Орталық Азия елдері арасындағы сауда байланыстарын нығайтуға септігін тигізеді.

Жүктерді Чунциннен Орталық Азия елдеріне тасымалдау уақыты 30% - дан астамға қысқарады деп күтілуде.