2024 жылдың 21 наурызы — Ынтымақ күні

Наурызнама мерекесін атап өту аясында 21 наурыз күні «ҚТЖ-Жүк тасымалы» ЖШС-де Ынтымақ күні аталып өтті. Бұл күн ұлтқа, дінге және әлеуметтік мәртебеге қарамастан, адамдар арасындағы бірлік, өзара құрмет пен татулықты білдіреді.

Осы мерекеге орай Атырау, Тобыл, Шемонайха, Сарыағаш, Достық халықаралық түйісу станцияларында достық пен келісімді нығайтуға бағытталған мерекелік іс-шаралар өтті. Ынтымақ күнінің басты идеясы — бейбітшілік пен бірлікті, өзара түсіністік пен құрметті насихаттау. Бұл — Наурыз мейрамының мәдени және рухани құндылықтарының маңызды бөлігі.

Наурыз — әрдайым жаңару, көктем және ізгілік мерекесі болып келген. Ал Ынтымақ күні — тек бірлік пен сыйластық арқылы ғана әрбір адам өзін үлкен, тату отбасының бір мүшесі ретінде сезінетін үйлесімді қоғам құруға болатынын айқындайды.
--
Отправлено из Mail для Android