Мойынты - Балқаш учаскесіндегі қозғалыс бойынша ақпарат

Достық - Мойынты теміржол учаскесінің инфрақұрылымында құрылыс-монтаж жұмыстары жалғасуда. 2025 жылғы қаңтар айының үшінші онкүндігінде Мойынты - Балқаш учаскесінде екінші жолдар бойынша  қозғалысты уақытша ашу жоспарлануда.

Іске қосу-реттеу жұмыстары кезеңінде осы учаскенің өткізу қабілеттілігі уақытша 70% төмендейді деп күтілуде. Бұл жүк тасымалына әсер етуі мүмкін, сондықтан техникалық шектеулерге байланысты жүктерді тасымалдауға шектеу қойылады. Осыған байланысты ҚТЖ жүк жөнелтушілерге уақытша қолайсыздықтарға түсіністікпен қарауға шақырады.

Компания жүк жөнелтушілерге жоспарларын түзетуді және алдын ала бекітілген тасымалдау жоспарларына сәйкес қаңтардың бірінші және екінші онкүндігінде жүктерді жөнелтуді жүзеге асыруды ұсынады.

"ҚТЖ" ҰК" АҚ баспасөз қызметі