Ақмола бөлімшесінде жүк жөнелтушілердің вагондарға өтінімдері толық көлемде қамтамасыз етілді

Қарашаның 18 күнінде Ақмола жүк тасымалдау бөлімшесі 307 мың тоннадан астам астық тиеді. Жалпы көлемнің 226,6 мың тоннасы немесе 73,8% Орталық Азия, Иран, Қытай және Ауғанстан елдеріне экспортқа жіберілді. Қалған 26,2% астық - Қазақстанның оңтүстік өңірлеріне.

Осы кезеңде экспортқа да, ел ішінде де 68 астық маршруттары құрылып, жөнелтілді. Жүк жөнелтушілердің бос вагондарға деген барлық өтінімдері толық көлемде қамтамасыз етілді.

Астықты жөнелту жөніндегі мәселелерді жедел шешу үшін тәулік бойы астық топтары жұмыс істеуде. Күн сайын барлық мүдделі тараптар мен жергілікті атқарушы органдардың қатысуымен ҚТЖ жедел штабының отырыстары өткізіледі, бұл жүк операцияларын тиімді орындауға және астықты уақтылы жөнелтуге ықпал етеді.