Шымкент ЖТ бөлімшесінде астық пен ұнды үздіксіз жеткізу мәселелері талқыланды

Шымкент жүк тасымалдау бөлімшесінде ҚТЖ өкілдерінің ірі жүк жөнелтушілермен және жүк алушылармен кездесуі өтіп, онда астық пен ұнтақ өнімдерін түсіру мәселелері талқыланды.

8 ай ішінде бөлімше желісі бойынша 680 мың тонна астық түсірілді. Шымкент бөлімшесінде астық өңдеуге арналған 25 диірмен жұмыс істейді. 2024 жылдың 8 айында және қыркүйек айының 18 күнінде 2 634 вагон немесе 180 мың тоннаға жуық ұн өңделіп, тиелді. Қыркүйектің 18 күнінде ұнды тиеу өткен жылмен салыстырғанда 63% немесе шамамен 5,7 мың тоннаға өскені байқалады.

ҚТЖ жүк жөнелтушілермен және жүк алушылармен бірлесіп ауыл шаруашылығы өнімдерін үздіксіз жеткізуді қамтамасыз ету үшін үлкен жұмыс жүргізуде.

Жүктерді жеткізу мерзімдерін жеделдету және вагондар айналымын қысқарту үшін астық маршруттары қалыптастырылуда.
«ҚТЖ Жүк тасымалы» ЖШС баспасөз қызметі