Биылғы астықтың алғашқы миллионы қыркүйек айында теміржол көлігімен шығарылды

Ағымдағы жылдың қыркүйек айында ҚТЖ желісі бойынша 1,1 млн тонна биылғы дақыл, оның ішінде 867 мың тонна экспортқа жөнелтілді. Орталық Азия елдеріне 457 мың тонна, Қытай – 187 мың тонна астық, Ақтау порты арқылы Иранға 140 мың тонна астық экспортталды. Қазан айында негізгі жоспармен 1,3 млн тонна астық жүктерін тасымалдау келісілді.

Ағымдағы жылдың 9 айында 6,6 млн тонна астық тасымалданды, оның ішінде экспортқа – 5 млн тонна.

ҚТЖ өкілдері еліміздің астық егетін өңірлерінде астық нарығына қатысушылармен кездесулер өткізді, онда жаңа егіннің астығын тасымалдау талқыланды, өзара іс-қимылдың бірқатар тұжырымдамалық мәселелері шешілді. Кездесулерге 100 астам фермерлер, трейдерлер және элеватор иелері қатысты.

«ҚТЖ Жүк тасымалы» ЖШС баспасөз қызметі