ҚТЖ локомотивтері дизельдік отын шығынын 3,3%-ға қысқартты

2023 жылы «ҚТЖ-Жүк тасымалы» ЖШС дизельдік отынның үлестік шығынын 2022 жылмен салыстырғанда 3,3%-ға азайтып, 1169 тонна дизельдік отын үнемдеуге қол жеткізді.

Күнделікті бақылау мен өңір басшыларын онкүндік тыңдаулар арқылы оң нәтижелерге қол жеткізілді. Сондай-ақ Жаңаарқа, Атырау, Мақат, Балқаш, Матай, Ақтоғай, Жем, Есіл, Аягөз, Түркістан деполарының қызмет көрсету участкелерінің техникалық мөлшерлері қайта қарастырылды.

«ҚТЖ-Жүк тасымалы» ЖШС-не дизельдік отынға кететін шығынды азайтуға заманауи өнімділігі жоғары локомотивтерді пайдалану мүмкіндік береді.

Соңғы екі жылда 130 KZ8A сериялы  электровоз және TE33Ac тепловоздары сатып алынды. Сонымен қатар, 2ТЭ25Км сериялы жаңа магистральдық екі секциялы тепловоздар жеткізілді.

ҚТЖ локомотив паркін жаңарту жұмыстарын әрі қарай жалғастырады.