Астана қаласы, 5 наурыз 2024 жыл.
Бүгін Астанада Достастыққа мүше мемлекеттердің Теміржол көлігі жөніндегі кеңесінің Вагон шаруашылығы комиссиясының 77-ші отырысы басталды. Іс-шара Әзірбайжан, Беларусь, Қырғызстан, Ресей, Тәжікстан, Өзбекстан, Грузия, Эстония теміржол әкімшіліктерінің Вагон шаруашылығы комиссиясының өкілдерінің, сондай-ақ ТМД елдерінің Теміржол көлігі кеңесі дирекциясының, ғылыми-зерттеу ұйымдарының, вагон жасау және вагон жөндеу кәсіпорындарының өкілдерінің, жылжымалы құрам иелері мен теміржол көлігі операторларының басын қосты.
«ҚТЖ-Жүк тасымалы» ЖШС Бас директоры (Басқарма төрағасы) Владимир Викторович Петров құттықтау сөзінде теміржол саласын тиімді дамыту үшін бірлескен күш-жігердің маңыздылығын және үздіксіз тәжірибе мен пікір алмасу қажеттігін атап өтті.
Отырыста жүк вагондарының үлгілеріне қатысты анықтамалықтар мен классификаторларға өзгерістер енгізу, вагонмен қосымша жұмыстардың шартты кодтары, сондай-ақ жүк вагондарын күрделі жөндеу мен диагностикадан өткізудің техникалық шарттарына қатысты маңызды мәселелер, сондай-ақ Вагон шаруашылығы комиссиясы қызметінің басқа да аспектілері талқыланды.
Отырыс қорытындысы бойынша қорытындылар хаттамаланып, Вагон шаруашылығы комиссиясының кезекті отырысын өткізу күні туралы шешім қабылданды.
