Арқалық станциясына көмірді темір жол көлігімен жеткізу толық көлемде жүзеге асырылды

Арқалық станциясының теміржол тұйығына қатты отын жеткізуге арналған вагондардың жетіспеушілігі туралы ақпарат шындыққа жанаспайды. Қазан айында көмірді тасымалдау жоспары 100% орындалып, 96 вагон жеткізіліп берілді. Шұбаркөл маркалы көмір тасымалы 8% өсті.

Қазан айында ел тұрғындарына барлығы 1,2 млн тонна қатты отын жеткізілді. Бұл көрсеткіш өткен жылдың сәйкес кезеңімен салыстырғанда 26% артып отыр. Көмір тасымалдауға 20 мыңға жуық жартылай вагон тартылған.