ҚТЖ және ІІМ теміржолдағы қауіпсіздікті қамтамасыз ету бойынша жұмысты күшейтуде

«ҚТЖ» ҰК» АҚ - да ҚР ІІМ және ИИДМ министрлері қол қойған «2022-2024 жылдарға арналған ҚР темір жолында мүліктің қауіпсіздігі мен сақталу деңгейін арттыру жөніндегі жол картасын» іске асыру бойынша кеңейтілген кеңес өтті. Іс-шараға ҚТЖ және ҚР ІІМ көліктегі полиция департаментінің басшылары, сондай-ақ өңірлердегі желілік бөлімшелердің басшылары қатысты.

Кеңес барысында сындарлы ақпарат, пікір алмасу жүзеге асырылды және теміржол көлігіндегі қауіпсіздіктің жай-күйін жақсарту бойынша бірқатар мәселелер талқыланды. Теміржол көлігіндегі мүліктің қауіпсіздігі мен сақталуының мәселелері компания үшін аса маңызды болып табылатыны атап өтілді.

2022 жылдың қорытындысы бойынша Жол картасының іс-шараларын орындау шеңберінде теміржол объектілерінде бейнебақылау камераларын, локомотивтерде бейнетіркегіштерді, бөгде адамдар мен малдың теміржол жолдарына шығуын болдырмайтын қоршауларды орнату бойынша үлкен жұмыстар жүргізілді. Жол-көлік оқиғаларын болдырмау бойынша алдын алу шараларын қабылдау жөніндегі іс-шаралар іске асырылуда. Бұл қағу мен жол-көлік оқиғаларының санын 15% азайтуға мүмкіндік берді.

Кездесу қорытындысы бойынша тараптар көлік кешені объектілерінің қауіпсіздігін қамтамасыз ету және жолаушыларға арналған сервисті жақсарту жөнінде бірқатар екіжақты шешімдер қабылдады.

«Қазақстан темір жолы» ҰК» АҚ баспасөз қызметі