Мекен жайы Астана қ., Қонаев көш., 10 үй, 7 қабат
Call-center 8 (7172) 60-30-30
8 (7172) 60-32-52
Көкшетау локомотив депосында теміржолдағы қауіпсіздікті қамтамасыз ету мәселелері талқыланды
185 / 03.03.2023 00:00

Көкшетау локомотив депосында теміржолдағы қауіпсіздікті қамтамасыз ету мәселелері талқыланды

Іс-шараға локомотив бригадалары мен Көкшетау станциясы торабының қызметкерлері қатысып, желілік полиция басқармасының (ІІЖБ) қызметкерлері шақырылды.

Кеңесті аша отырып, Ақмола жүк тасымалдау бөлімшесінің бірінші орынбасары Саят Бекенов теміржолшылардың полицейлермен бірлесіп жүргізген жүйелі алдын алу жұмыстарына қарамастан, теміржолда бөгде адамдар мен малдарды басу фактілері тіркеліп жатқанын атап көрсетті.
  
Ақмола бөлімшесінде бөгде адамдар мен малдардың соқтығысуын болдырмау бойынша шұғыл тежеуді қолданудың барлық жағдайлары бойынша егжей-тегжейлі талдау жүргізілді. Жыл басынан бері темір  жолдарында адамдарды соғудың бір, мал басудың үш жағдайы  тіркелді. Локомотив бригадалары малмен соқтығысудың алдын алу үшін 16 рет шұғыл тежеу қолданды.

Адамдардың пойызбен соқтығысуын талдау көрсеткендей, олардың  басым көпшілігінде зардап шеккендердің қауіпсіздік ережелерін бұзуы себеп. Бөгде адамдар көбінесе құлаққаппен жүреді, көбінесе мас күйінде кенеттен жылжымалы құрамның жолына шығып кетеді. Машинистер соқтығысуды болдырмау үшін барлық қажетті шараларды қолданады, бірақ бұл жеткіліксіз болуы мүмкін. Пойыздың тежеу жолы бір шақырымға дейін.

Мал басудың әрбір жағдайы ауыр зардаптарға әкеледі. Бұл пойыздар  қауіпсіздігіне қауіп төндіріп қана қоймай, мал иесі мен теміржолға қаржылық зиян келтіреді: локомотивтердің зақымдануы, жолаушылар пойыздарының қозғалыс кестесінің бұзылуы.

Ақмола теміржолшылары жергілікті тұрғындармен темір жолда жүріс-тұрыс ережелері бойынша түсіндіру кездесулерін, оқу орындарында қауіпсіздік бойынша дәрістер өткізеді. ҚТЖ магистральдық желі бөлімшесінің өкілдерімен, ӘТЖК, ІІЖБ қызметкерлерімен бірлесіп рейдтер жүргізіп, жаяу жүргіншілерге станция жолдарында болу неліктен қауіпті екенін түсіндіреді.
  
Көкшетау станциясы Желілік полиция бөлімі бастығының орынбасары полиция майоры Марат Сәдуақасов өз сөзінде азаматтар теміржолдағы тәртіп ережелерін мүлтіксіз сақтауы тиіс екенін атап өтті.

Кеңеске қатысушылар теміржолдағы қауіпсіздік ережелерін бұзушылар мен қараусыз жүрген мал иелеріне қатысты әкімшілік жауапкершілікті күшейту қажеттігі туралы айтты.

«Қазақстан темір жолы» ҰК» АҚ баспасөз қызметі
Поделиться:
Популярные новости
17 / 28.02.2024

Мемлекет басшысы «ҚТЖ» ҰК» АҚ Инновациялық орталығына барды

Жиын барысында Президент Қасым-Жомарт Тоқаев Сиань қаласындағы көлік-логистика орталығының ашылу рәсіміне телекөпір арқылы қатысты. Мемлекет...

439 / 28.11.2023

«ҚТЖ – Жүк тасымалы» ЖШС ғимараттары мен құрылыстарын ағымдағы жөндеу жоспары 90% орындалды

«ҚТЖ – Жүк тасымалы» ЖШС-ның 422 өндірістік нысанында ағымдағы жөндеу жұмыстары аяқталды. Павлодар локомотив пайдалану депосының ӨТБ, Екібастұз-...

964 / 13.11.2023

Достық станциясында экспорттық жүктерді беру бойынша ТЖЫҰ жылдық жоспары мерзімінен бұрын орындалды

           2023 жылғы 13 қарашада Достық шекаралық өткелі арқылы Алашаңқай станциясына (ҚХР) салмағы 3700 тонна қазақстандық жүктер құрамы беріл...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ


Серіктестер