Алматыда теміржолшылар «Ағаш отырғыз» экологиялық акциясына қатысты»

Алматы ЖТ бөлімшесінің басшылығы кәсіподақ комитетімен бірлесіп «Ағаш отырғыз» акциясын ұйымдастырды. Ол «ҚТЖ-Жүк тасымалы» ЖШС-де жарияланған экологиялық мәдениет жылына орайластырылды. Жыл «Планетаны таза ұста – Өзіңнен баста!» ұранымен өтуде. Қажетті санитарлық қауіпсіздік шараларын сақтай отырып, теміржолшылар бөлімше ғимаратының іргелес аумағына ағаштар мен гүлдер көшеттерін отырғызды.

Акцияның мақсаты – туған қаланың экологиялық жағдайын жақсарту.

– Бұл акция еліміздің әр өңірлерінде осындай іс - шараларға қатысып жүрген әріптестер бастамасын қолдау ғана емес, сондай-ақ қалың жұртшылықтың назарын қаланың экологиялық проблемаларына аударуға, экологиялық жағдайды жақсартуға және жаңа «жасыл» аймақтарды жайластыруға бағытталған, - деді кәсіподақ комитетінің төрағасы Талғат Қарабалаев.

Теміржолшылар ағаш отырғызу - әрбір азаматтың жеке ісі және өз қаласының «жасыл өкпесін» нығайтуға жасалған қадамы екеніне сенімді.