Мекен жайы Астана қ., Қонаев көш., 10 үй, 7 қабат
Call-center 8 (7172) 60-30-30
8 (7172) 60-32-52
«Нөлдік жарақат» үшін марапатталды
855 / 29.04.2021 00:00

«Нөлдік жарақат» үшін марапатталды

Қалыптасқан дәстүр бойынша жыл сайын темір жолда еңбекті қорғау жөніндегі жекелеген басшылар мен инспекторлар еңбегі атап өтіледі, соның арқасында темір жол көлігінде «нөлдік жарақаттанудың» алтын қағидалары енгізіледі.

«Қазақстан темір жолы» ҰК» АҚ еңбек қауіпсіздігі және еңбекті қорғау саласындағы сенім сертификаттарын «ҚТЖ-Жүк тасымалы» ЖШС құрылымдық бөлімшелерінің басшыларына табыс етті. Тапсыру барлық санитарлық талаптарды сақтай отырып өтті.

«Темір жолда бірқатар құрылымдық бөлімшелер 7, 10 және 15 жыл бойы өндірісте бір жазатайым оқиғасыз жұмыс істейді. Бұнда қызметкерлердің еңбек құқықтары сақталады, қауіпсіз жұмыс жағдайлары қамтамасыз етіледі және жоғары еңбек өнімділігі байқалады. Осындай нәтижеге қол жеткізу және қызметкерлердің өмірі мен денсаулығын сақтау үшін теміржолшылар алдын алу шараларын қолданады. Шараның басты мақсаты – әрбір теміржолшы жұмысқа байқампаз, ынталы, қызығушылық танытқан және оқытылған болып келуі тиіс», - деді «ҚТЖ-Жүк тасымалы» ЖШС өндірістік қауіпсіздік және экология департаментінің директоры Берік Истлеев.

Сексеуіл локомотив пайдалану депосы, Өскемен вагон пайдалану депосы және Матай станциясы 1-ші класты сенім сертификатымен марапатталды. 1-ші класты сенім сертификаттары, 15 жылдан астам уақыт бойы өндірістік жарақатсыз жұмыс істеген желілік бөлімшелерге беріледі.

Семей станциясы, Илецк локомотив пайдалану депосы және Илецк вагон шаруашылығы бойынша желілік пайдалану бөлімшесі 2-ші класты сенім сертификаттарына ие болды. Олар 10 жылдан астам уақыт өндірістік жарақатсыз жұмыс істеді.

Қандыағаш локомотив пайдалану депосы, Маңғыстау вагон пайдалану депосы және Сексеуіл станциясы 3-ші класты сенім сертификатын алды, оларда жеті жыл ішінде бірде-бір жазатайым оқиға тіркелмеген.

Бұл құжат желілік бөлімшелерді еңбек заңнамасының талаптарын сақтау бойынша жоспарлы тексерулерден босатады.

- Біз 1-ші класты сенім сертификатын алғанымызға қуаныштымыз. Бұл біз «нөлдік жарақаттану» жолында тұрмыз дегенді білдіреді. Компания басшылығына өз қызметкерлеріне деген осындай қамқорлығы үшін алғысымызды білдіреміз және одан да үйлесімді жұмыс істеуге тырысамыз, тек қырағылық жарақаттың алдын алады, - деді Сексеуіл локомотив пайдалану депосы бастығының өндіріс жөніндегі орынбасары Еркебұлан Аяғанов.

Қандыағаш локомотив пайдалану депосының бас инженері Берік Әлидің айтуынша, еңбекті қорғау ережелерін бұлжытпай орындау – «нөлдік жарақаттанушылыққа» апаратын жол: «Біздің ұжым «ҚТЖ» ҰК» АҚ-да әзірленген «Қауіпсіздіктің мінез-құлықтық диалогтары» мобильді қосымшасының белсенді пайдаланушысы болып табылады, осының арқасында жұмыс істеу әлдеқайда қауіпсіз бола түсті».

Осы жылдың бірінші тоқсанында өндірістік жарақатсыз Маңғыстау, Атырау, Қостанай, Ақмола, Қарағанды, Жамбыл, Шымкент және Семей жол бөлімшелері жұмыс істегені атап өтілді.

Поделиться:
Популярные новости
23 / 19.03.2024

ҚТЖ локомотивтері дизельдік отын шығынын 3,3%-ға қысқартты

2023 жылы «ҚТЖ-Жүк тасымалы» ЖШС дизельдік отынның үлестік шығынын 2022 жылмен салыстырғанда 3,3%-ға азайтып, 1169 тонна дизельдік оты...

352 / 12.03.2024

ҚТЖ жүк тасымалдау тиімділігін арттыру бойынша Бағдарлама әзірледі

Алматыда жол басқармалары филиалдарының, өңірлік тасымалдауды басқару орталықтарының басшылары, Алматы торабындағы станциялар қызметкерлерінің, ...

53 / 07.03.2024

Құрметті ханымдар!

Сіздерді келе жатқан 8 наурыз – Халықаралық әйелдер күнімен құттықтаймыз! Біздің компаниямыздың  кәсіби біліктілігі мен жауапкершіл...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ


Серіктестер