Темір жолда 2021 жыл Экологиялық мәдениет жылы болып жарияланды
«ҚТЖ-Жүк тасымалы» ЖШС-да биылғы жыл экологиялық мәдениет жылы болып жарияланды. Ол «Планетаны таза ұста – өзіңнен баста!» ұранымен өтуде. Басты мақсат – экологиялық қауіпсіздік пен қызметкерлер денсаулығына қамқорлық жасау.
Экологиялық мәдениет жылы аясындағы басты назар Ұйымдастырушылық-техникалық іс-шаралар жоспарын іске асыруға бағытталып отыр. Ол экологияға және табиғатқа ұқыптылықпен қарауға бағдарланған.
Экологиялық мәдениет жылы басталып та кетті. Теміржолшылар «Ағаш отырғыз» акциясына қатысты. Оның мақсаты – экологиялық жағдайды жақсарту, жаңа жасыл аймақтарды жайластыру. Акцияны Атырау локомотив пайдалану депосының қызметкерлері қолдады. Қажетті санитарлық қауіпсіздік шараларын сақтап, олар ағаш көшеттерін отырғызып, депо аумағын көгалдандыруға белсенді қатысты.
Сондай-ақ «жасыл бастама» аясында «Қоршаған ортаны қорғау» экологиялық сағатын, «Бірге – таза Темір жол», «Табиғатты сақта – батарейканы тапсыр» акцияларын өткізу жоспарлануда. Теміржолшылар станциялардың, деполардың, жол бөлімшелерінің аумағын ретке келтіріп, отын-энергетикалық ресурстардың шығыстарын, қоршаған ортаны ластаушы заттардың шығарылымын төмендету бойынша іс-шаралар өткізеді.
Теміржолшылар отбасыларының балалары арасында «Экология балалар көзімен» тақырыбында үздік сурет байқауы ұйымдастырылады. Қызметкерлер арасында «Өндірістің эко-қауіпсіздігі» және «Жасыл және салауатты кеңсе» конкурстарын өткізу ең үздік жұмыс тәжірибесін анықтауға, қорытындылауға және таратуға және шығармашылық әлеуетті дамытуға, өңірлік және желілік деңгейдегі экологтарды ынталандыру мен көтермелеуге бағытталған.
Сондай-ақ теміржолшылар «Қалдықтарды жинап, қайта өңдеуге тапсыр» экологиялық марафонына және «Қалдықтар-кірістер» акциясына белсенді қатысады. Іс-шараның мақсаты – экологиялық проблемаларға назар аударту. Қоқысты бөлек жинауға арналған контейнерлер «ҚТЖ-Жүк тасымалы» ЖШС-ның барлық құрылымдық бөлімшелерінде орнатылған.
Теміржолшылар бұл бастамалардың болат магистральдарды «жасыл» ете түсетініне және болашаққа сеніммен қарауға мүмкіндік беретініне сенімді.
