Мекен жайы Нұр-Сұлтан қ., Қонаев көш., 10 үй, 7 қабат
Call-center 8 (7172) 60-30-30
8 (7172) 60-32-52
Теміржолшылар жаңа Экологиялық кодексті басшылыққа алды
191 / 29.03.2021 00:00

Теміржолшылар жаңа Экологиялық кодексті басшылыққа алды

Қазақстанның барлық өңірлерінен "ҚТЖ-Жүк тасымалы" ЖШС өндірістік қауіпсіздік және экология қызметінің мамандары «Мемлекет басшысы 2021 жылғы 2 қаңтарда қол қойған жаңа ҚР экологиялық кодексінің нормалары мен талаптары" тақырыбында экологиялық қауіпсіздік жөніндегі онлайн-семинарға қатысты. Жаңа құжатта қоршаған ортаға теріс әсерді болдырмау жөніндегі шаралар қабылданған.

"Жаңа экологиялық кодекс «ластаушы төлейді» қағидатты қарастырады. Осыған байланысты қоршаған ортаға нормативтен тыс эмиссиялар үшін әкімшілік санкциялар ұлғайтылып, экологиялық бұзушылықтарға санкциялар қатаңдатылды. Бұл темір жол тасымалдарының экологиялық қауіпсіздігі деңгейін арттыру және табиғи жүйелерді сақтау үшін үлкен ынталандыру", - деді «ҚТЖ» ҰК» АҚ өндірістік қауіпсіздік және экология департаментінің бас менеджері Сағат Қабиев.

Темір жолда қоршаған ортаға теріс әсерді азайту жөніндегі іс-шаралар жүзеге асырылуда. Бұл жұмыстың басты мақсаты - экологиялық қауіпсіздікті қамтамасыз ету және адамдардың денсаулығына қамқорлық жасау.

Аталған тәсілдерді іске асыру үшін 2021 жылға компанияда объектілерді ҚР Экология заңнамасы талаптарына сәйкес келтіру, ластануды жою бойынша іс-шаралар жоспарланған. Бұл ретте "жасыл технологияларға", сондай-ақ теміржолшылар арасында экологиялық мәдениетті қалыптастыруға басымдық беріледі.

Атап айтқанда, "Тал отырғыз", "Бірге – Таза Теміржол", "Табиғатты сақта – батарейканы тапсыр" экологиялық акциялары және "Қоршаған ортаны қорғау" эко-сағаты жоспарланған.

Семинар барысында теміржолшылар ішкі бақылауды ұйымдастыру және экологиялық талаптарды бұзғаны үшін жауапкершілікті арттыру мәселелерін талқылады.

Бүкіл әлемде теміржол көлігі электр тартқышты кеңінен қолдану есебінен атмосфераға зиянды заттардың шығарылуын болдырмайтын және топырақтың ауыр металдармен ластануын төмендетуші экологиялық таза көлік түрлерінің бірі болып саналады.

"Экологиялық мәдениет барлық өндірістік процестердің ажырамас бөлігіне айналуға тиіс. Біз барлық жоспарланған іс - шараларды толық көлемде орындап қана қоймай, осы бағыттағы қосымша пәрменді шараларды іске асыруға міндеттіміз",-деп атап өтті "ҚТЖ-Жүк тасымалы" ЖШС өндірістік қауіпсіздік және экология департаментінің директоры Берік Истлеев.

Экологиялық кодекс 2021 жылғы 1 шілдеде күшіне енеді.

Поделиться:
Популярные новости
3 / 14.12.2021

«ҚТЖ-Жүк тасымалы» ЖШС Теміржол көлігі саласындағы қауіпсіздік сертификатын алды

«ҚТЖ-Жүк тасымалы» ЖШС Теміржол көлігі саласындағы қауіпсіздік сертификатын ал...

217 / 08.09.2021

Еңбекті қорғау – ерекше бақылауда

Жол бөлімшелерінде еңбекті қорғау бойынша өңірлік семинарлар өтуде. Олардың нег...

125 / 06.09.2021

Ағымдағы жылдың 8 айында ҚТЖ желісімен 168 млн тоннадан астам жүк тасымалданды

Ағымдағы жылдың қаңтар-тамыз айларында "ҚТЖ "ҰК" АҚ желісінде 168 млн тоннадан аста...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ


Серіктестер