Қырағы тексеруші пойыздар қозғалысына төнген қауіптің алдын алды

Ағымдағы жылғы наурыз айының басында жергілікті уақыт бойынша сағат 23.30-де Маңғыстау станциясында жүк пойыздарына техникалық қызмет көрсету кезінде вагондарды тексеруші-жөндеуші Мақсат Дүйсенбаев вагон жұбы доңғалағы дискісінің сынған жарықшағын анықтады.

Жарықшақтың ұзындығы 20 см-ден асады.Бұндай ақаулар көп жағдайда доңғалақ дискісінің сынуына әкеліп соғады, содан кейін жылжымалы құрамның рельстен шығып, пойыздар қозғалысына қауіп төндіреді. Тексеруші қырағылық пен ұқыптылық танытты, өйткені ол түнгі уақытта жарықшақты тапты, бұл оның жоғары кәсібилігін көрсетеді.

Жылжымалы құрамның иесі - ресейлік оператор. Вагон Алапаевск станциясынан (Ресей темір жолдары) ағаш тасымалдады. Құнды жүк түрікмен темір жолының Дашоғыз станциясына жеткізілді.

Темір жолда қараушының жалпы жұмыс өтілі-9 жыл.