ҚХР шекарасындағы вагондардың тоқтап тұруы мәселесі – Ұлттық тасымалдаушының бақылауында

Ағымдағы жылдың 18 ақпанындағы жағдай бойынша қытайлық Алашаңқай станциясында зығыр, күнбағыс және арпа тұқымдары бар 32 ірі, сондай-ақ мыс пен күкірт тиелген ұзақ уақыт тұрып қалған 39 вагон түсірілді. Келесі кезеңде – мақта артылған 15 жабық вагон.

«ҚТЖ-Жүк тасымалы» ЖШС бас директорының бірінші орынбасары Қанат Көбесовтың айтуына қарағанда, жағдай Ұлттық тасымалдаушының жіті бақылауында, күн сайын Алашаңқай және Достық станцияларындағы диспетчерлік аппараттардың сағаттары салыстырылып, тасымалдау процесін реттеу бойынша шаралар қабылданады.

Естеріңізге сала кетейік, коронавирусты таратпау жөніндегі карантиндік шаралардың күшеюі нәтижесінде қытайлық тарап жүк вагондарын қабылдауды қысқартты, соның салдарынан ҚР аумағында ҚХР бағытындағы жылжымалы құрамдардың ұзақ тұрып қалуы пайда болды.

Ағымдағы жыл қаңтарының соңындағы қытайлық тараппен жүргізілген келіссөздер өз нәтижесін бере бастады. Вагондарды қабылдау бойынша жұмыстар қыза түсті.