Қандыағаш станциясының жас теміржолшылары блокпостағы адамдарды ыстық тамақпен қамтамасыз етті

Ақтөбе ЖТ бөлімшесі Қандыағаш станциясының теміржолшылары станция айналасындағы блок-посттарда санитарлық қызмет етуші медиктер мен полицейлерді қолдауға шешім қабылдады. Олар адамдарды ыстық тамақтармен және сусындармен қамтамасыз етті. Қандыағаш айналасында үш санитарлық пост: Жем, Шұбарқұдық және Ақтөбе бағытында жұмыс істеуде. Бұл бір реттік акция емес. «Біз біргеміз» волонтерлік қозғалысы шеңберінде станцияның Жастар ісі жөніндегі кеңесі әкімдікпен бірлесіп жүру мүмкіндігі шектелген адамдарға, көпбалалы аналарға, жалғызбасты зейнеткерлерге, көмек қажет ететін отбасыларға медициналық маскалар мен қажетті заттар, азық түлік таратуда.

Теміржолшылар өз күштерімен тыныс жолдарын қорғау үшін маскалар тігуде және оларды станция тұрғындарына таратуда.

Теміржолшылар әрқашанда ұжымдаса білетін және көмекке ұмтылатын. Біз күш-жігерімізді жұмылдыру арқасында пандемияны тоқтататынымызға сенеміз. Еріктілер коронавирус жұқтырып, өздері таратушы болмауы үшін барлық қауіпсіздік шараларын: маска, қолғап, бір реттік пайдаланылатын халаттар киіп ұстанып жүрді.

Кеңес өткізбеу әрі байланыстарды барынша төмендету үшін, барлық ұйымдастыру мәселелерін карантин кезінде арнайы құрылған танымал мессенджер чатында талқылаймыз, дейді Қандыағаш станциясы Жастар ісі жөніндегі кеңестің төрағасы Дархан Әнуаров.

Жас теміржолшылар бастамасын Әйтеке би, Шалқар, Байғанин станцияларының жастары да қолдады.