«ҚТЖ-Жүк тасымалы» АҚ 5 млрд. теңгені Ұжымдық келісім-шарт бойынша міндеттемелерін жүзеге асыруға бағыттады

Білікті де кәсіби кадрларды ұстап тұру және тарту үшін «ҚТЖ-Жүк тасымалы» АҚ қызметкерлеріне Ұжымдық келісім-шарт шеңберінде әлеуметтік пакет қарастырылған. 2019 жылы Ұжымдық келісім-шарт бойынша міндеттемелерін жүзеге асыруға шамамен 5 млрд. теңге бөлінді.

Әлеуметтік жеңілдіктер теміржол көлігімен жүру құның төлеуді, мерейтойлық датаның келуімен байланысты материальдық көмекті, ерекше балалары, 3 және одан көп оқушы-балалсы бар қызметкерлерге материальдық көмекті, зейнетке шығатындарға бір реттік берілетін жәрдемақыны және өзге де төлемдерді қамтиды.

Теміржолшыларға қазақстандық шипажайларға жолдамалар беріледі. Бұл ретте тек 10 пайызын ғана қызметкер төлейді, ал қалғаның – жұмыс беруші. Балалар сауықтыру орталықтары мен лагерлерде балалар жазғы демалыстарын өткізеді.

Локомотив бригадалары 57 жасқа толуы бойынша зейнет жасы жеткенге дейін салалық жәрдемақыға шығуына болады.

Бүгінгі таңда аталған құқығын екі мыңнан астам адам пайдаланды. Жыл сайын Қоғам барлық локомотив деполарына салалық жәлдемақы төлеміне 2,2 млрд. астам теңге бөліп отыр.

2020 жылы тағы 320 машинист пен машинист көмекшісі салалық жәрдемақыға шығады деп күтілуде. Ұжымдық келісім-шарт бойынша еңбек өнімділігін, тиімділікті ынталандыратын міндеттемелерді қамтамасыз етуге жұмсалатын шығындар өсетін болады.

Тек ағымдағы жылы әлеуметтік төлемдер 8,7 млрд. теңгеден астам көлемде жоспарланған.

Ұжымдық келісім-шартта қарастырылған кепілдіктер мен өтемақылар, жеңілдіктердің үлкен бөлігі еңбек заңдылығында көрсетілген теміржолшыларға белгіленген деңгейден тыс беріледі, бұл акционерлік қоғамның әлеуметтік жауапкершілігін айғақтайды.