«ҚТЖ – Жүк тасымалы» АҚ қызметкерлері ҚТЖ #2020 Қайырымды ісі Challenge-ін қолдады

ҚТЖ #2020 Қайырымды ісі және «ҚТЖ – Жүк тасымалы» АҚ «#порельсамдобра» әлеуметтік жобалары шеңберінде ауыр өмірлік қиын жағдайда қалған әлеуметтік аз қамтылған көпбалалы отбасылар балаларына қуаныш сыйлайды.

Өткен демалыс күндері кенсе қызметкерлері өмірдегі қуанышты сәті болсын деген ниетпен жеті баланың кинотеатрға баруын ұйымдастырды.

Киноға бару дәмді түскі асқа ұласты. Балалар есте қаларлықтай әсер алды. Қайырымдылық істер эстафетасы өндірістік қауіпсіздік және экология департаментіне табысталды.

Толықтай алғанда, бұл «ҚТЖ – Жүк тасымалы» АҚ жүзеге асырып жатқан жалғыз шара емес. Еліміздің түкпін түкпіріндегі барлық жол бөлімшелері көпбалалы отбасыларға, егде жастағы және жалғызбасты адамдарға көмек көрсету бойынша еріктілер қозғалысына қатысуда.

Жақында ғана солтүстік өңірдің теміржолшылары #БiзБіргеміз қар тазарту челленджін өткізді.

Мемлекет басшысы 2020 жылды – Еріктілер жылы деп жариялағандығын қаперге сала кетейік. «ҚТЖ» ҰК» АҚ 2020 Қайырымды істі жүзеге асыруға бейілді.