Мекен жайы Нұр-Сұлтан қ., Қонаев көш., 10 үй, 7 қабат
Call-center 8 (7172) 60-30-30
«Үздік вагон қараушы» байқауы өтті
282 / 22.01.2020 00:00

«Үздік вагон қараушы» байқауы өтті

Астана вагон пайдалану депо сында «ҚТЖ-Жүк тасымалы» АҚ филиалы – Ақмола жүк тасымалы бөлімшесіне қарасты вагон пайдалану деполары қызметкерлерінің қатысуымен «Үздік вагон қараушы» байқауы болып өтті.

Байқаудың жеңімпаздарын марапаттау рәсімінде сөз алған «ҚТЖ-Жүк тасымалы» АҚ Вагон шаруашылығы департаментінің менеджері Ақылбай Сағындықов департамент бойынша қыс маусымында вагон қараушылардың еңбегін сынға салған мұндай байқау бірінші рет өткізіліп отырғанын атап өтті.

«Бүгінгі байқауға Атбасар, Жақсы, Еркіншілік, Красивая, Қырқыншы станцияларынан, бақылау қосындарынан вагон қараушылар келіп, қатысып отыр. Сіздерге алдағы уақытта еңбектеріңе табыс тілеймін», – деп ізгі лебізін білдірді Ақылбай Сыздықұлы.

Байқау екі кезеңнен тұрды. Біріншісі, түске дейін тек тәжірибеге құрылды. Онда байқауға қатысушылар әдейі ағытылып қойған үш вагоннан ақауды белгілі бір уақыт аралығында тауып және де автотіркемені бір уақыт шегінде шашып тастап, қайта жинау керек болды. Екіншісі, түстен кейінгі кезең теориялық білімге арналды. Мұнда қатысушылар іріктеліп алынған ең күрделі 20 сұраққа жауап берді.

Міне, осы талаптардан сүрінбей өткен Сапиев Рақымбай бірінші орынды жеңіп алды. Отыздан енді асқан Рақымбайдың Астана станциясында вагон қараушы болып жұмыс істеп жатқанына 13 жыл болыпты. Ол автотіркемені 34 секундта шашып, жинап берген. Вагоннан ақауды 7 минут ішінде тауыпты. «20 сұрақ болды. Соның бәлкім екеуіне жауап бере алмаған шығармын. Жалпы сұрақтар күнделікті жұмысымызға қатысты болды. Аптасына екі рет техникалық сабақ өтіп тұрады. Солардан қалмауға тырысамын. Сондықтан аса қиындығы болмады. Жалпы мұндай байқаулар қажет. Мотивация аласың, жұмыста үйреншікті болып кеткен нәрсеңе байқау барысында басқаша қарайсың, тіпті басқа қырынан танып жатасың», – деп сыр бөлісті Рақымбай Сапиев.

Екінші орын алған Сахариев Жұматайдың вагон қараушы қызметіндегі еңбек өтілі отыз жылдан асады екен. Қырқыншы станциясында жұмыс істейді. Автотіркемені 40 секундта жинапты. Тәжірибелі вагон қараушы бұл күнде жұмысқа енді араласқан жастарды еңбекке баулумен айналысады.

Үшінші орынды Цальцалько Йосиф Станиславович алды. Жеңімпаздарға құрмет грамоталарымен қатар ақшалай сыйлықтар табыс етілді. Сонымен қатар ең үздік теориялық білім көрсеткен атбасарлық Хасенжанов Әнуарға, автотіркемені шашып және қайта жинауда ең үздік ( 33 секунд) деп танылған Кукумбаев Талғатқа бағалы сыйлықтар табыс етілсе, белсенді қатысқан вагон қараушылар да тарту-таралғысыз қалмады.

«Вагон қараушылар қысы-жазы ашық далада жұмыс істейді. Қыс ақ түтек боран, бет қаритын сары аяз, суық желі бар ауа-райының қолайсыз құбылыстарымен ерекшеленеді. Міне, осы уақытта вагон қараушылар жұмысы қиындай түседі. Бүгінгі байқауда сіздер өз білім-біліктіліктеріңді саралаумен қатар өз қызметтеріңе басқаша көзқараспен қарау мүмкіндігіне ие болдыңдар. Бір-бірлеріңізден үйреніп, тәжірибе алмастыңыздар. Кемшін тұстарын толықтыру қажет екенін ұғындыңдар. Осының өзі байқауға қатысып отырған вагон қараушылар үшін бір мектеп», – деп қорытындылады сайысты Ақылбай Сыздықұлы. 

Поделиться:
Популярные новости
7 / 17.09.2020

«ҚТЖ» ҰК» АҚ көмір мен астықты еліміз ішінде үздіксіз және жедел жеткізуді, сонымен қатар экспортты қамтамасыз етуде

Ұлттық тасымалдаушы әлеуметтік маңызды жүктерді тасымалдауға басымдық беріп келеді. 2020 жылдың сегіз айында теміржол көлігіндегі астық тиеу 5, ...

19 / 14.09.2020

ҚТЖ локомотивтерді қысқы жағдайда жұмыс істеуге әзірлеуде

Қыркүйектің 10-нан бастап «ҚТЖ-Жүк тасымалы» ЖШС - «Локомотивтерді пайдалану депосы» филиалдарында локомотивтерді кезекті күзгі комиссиялық байқ...

72 / 11.08.2020

2020 жылдың 7 айында теміржол көлігімен 140 млн тоннадан астам жүк тасымалданды

2020 жыл шілдесінің қорытындысы бойынша «ҚТЖ» ҰК» АҚ желісі бойынша жалпы тиелім 21,2 млн тоннаны құраса, соның ішінде еліміз бойынша – 14,2 млн...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ

Серіктестер