Конвенциялық тыйым салуды енгізу уақытша шара
«ҚТЖ-Жүк тасымалы» АҚ өтініші бойынша Достастыққа мүше-мемлекеттер Теміржол көлігі жөніндегі кеңесі (ДТКОК) 2020 жылдың 5 қаңтарынан ҚР иесі болып табылатын парктен басқа, өзге теміржол әкімшіліктерінің жалға алған және өз иелігіндегі бос вагондарын қабылдауға конвенциялық тыйым салуды жария етті. Аталған шара мәжбүрлі әрі уақытша.
Бүгінгі таңда Қазақстан темір жолы желісі станциялық жолдарында тиелуге қажетсіз 5200 вагон қозғалыстан шығып қалған. Олар Шу – Мойынты – Карағанды, Нұр-Сұлтан – Көкшетау, Нұр-Сұлтан – Павлодар, Мойынты – Саяқ – Ақтоғай сияқты учаскелердің магистральдық және станциялық жолдарында орын алуда. Аталған учаскелер транзиттік және экспорттық-импорттық жүкағының өткізудегі ең қызулардың қатарынан саналатынын атап кеткен жөн.
Қалыптасқан жағдай «ҚТЖ» ҰК» АҚ желісіндегі пайдалану жұмыстарын қиындатады, сондай-ақ магистральдық желі бойынша өткізу мүмкіндігін төмендетеді. Ауа райы жағдайына байланысты тасталған пойыздар қардың астында қалу тәуекелі де жоқ емес, ал бұл пойыздарды қауіпсіз өткізуге ықпал етуі мүмкін. Конвкенциялық тыйым салу өзінің нәтижесін бере бастады. Өзге теміржол әкімшіліктеріне тиесілі қажетсіз жылжымалы құрам саны 3 мыңдай вагонға төмендеді. Жағдай жақсарған кезде өзге теміржол әкімшіліктерінің жалға алған және өздеріне тиесілі бос вагондарына конвенциялық тыйым салу алынып тасталады.
Бұл ретте тасымалдаудың бекітілген айлық жоспары мен жүкжөнелтушінің тапсырысы болған жағдайда «бөтен» вагондарды қабылдауға бекітілген тәртіппен рұқсат етіледі.
ДТКОК Ережесі шеңберінде конвенциялық тыйым салулар тиісті теміржол әкімшілігі шешімімен белгіленетінін қаперге саламыз. 10. 01. 2020 жылғы жағдай бойынша ДТКОК Дирекциясы жария еткен 116 әр түрлі конвенциялық тыйым салулар іске асырылуда.
Конвенциялық тыйым салулар – эпизодтық сипаты бар мәжбүрлік шарасы.
