Мекен жайы Астана қ., Қонаев көш., 10 үй, 7 қабат
Call-center 8 (7172) 60-30-30
8 (7172) 60-32-52
Жазғы кестеге көшті
1220 / 26.06.2019 00:00

Жазғы кестеге көшті

Жаз маусымының басталуымен «ҚТЖ-Жүк тасымалы» АҚ филиалдарындағы 1336,5 бірлік локомотив жазғы жұмыс кестесіне көшті. Оның ішінде 855,5 тепловоз да, 481 – электровоз көлігі.

Еске сала кетсек, биылғы мамыр айының соңында көктемгі комиссиялық байқау аяқталып, осы шара барысында локомотивтердің жаз маусымында мүлтіксіз қызмет етуге дайындығы тексерілген-ді. Тексеру нәтижесіне сүйенсек, «ҚТЖ-Жүк тасымалы» АҚ бойынша орташа баға 4,31 балды құрап отыр. Соның ішінде, электровоздар балы – 4,23, ал тепловоздардікі 4,36 балды құрапты. Локомотив шаруашылығы мамандары ұсынған дерекке сүйенсек, 456 локомотивтің техникалық жағдайы «өте жақсы» деп бағаланса, 710 бірлігі «жақсы», ал 38-і «қанағаттанарлық» деңгейін көрсеткен.

Мамандар көктемгі комиссиялық байқауды жүргізу барысында локомотивтерді сырлау үшін лактау-сырлау бұйымдарын жеткілікті деңгейде сатып алу бойынша мәселе туындағанын айтады. Қазір бұл мәселе шешімін тапқан, сырлауды қажет етіп отырған локомотивтер күзге дейін сырланып болмақ.

Жалпы алғанда жазғы тасымал жағдайында жұмыс істеуге локомотив паркінің техникалық, мәдени, эстетикалық және санитарлық жағдайын, сондай-ақ, орташа балын есепке ала отырып, дайындығын қанағаттанарлық деуге болады. Десек те, жаз маусымында локомотивтердің қалтқысыз қызмет етуіне алдын ала тексеру жүргізетін маусымдық комиссиялық байқау локомотившілердің еңбегін, дайындығын, жауапкершілігін сараптайтын емтихан іспеттес. Сондықтан емтиханнан қамшы салдырмай сүрінбей өтетін үздіктердің болатыны сияқты, көктемгі комиссиялық байқау талаптарының үдесінен техникалары табылған локомотив пайдалану деполары да болды. Атап айтсақ, бірінші топ бойынша Защита локомотив пайдалану депосы топ жарса, екінші және үшінді орынды Сыр өңірінің локомотившілері, яғни Сексеуіл және Қызылорда локомотив пайдалану деполары өзара бөлісті. Екінші топ бойынша алдыңғы орынды қарағандылық депоның ұжымы қанжығасына байласа, екінші орын мінберінен Арыс ТЧЭ көрініп, үшінші орынды Астана локомотив пайдалану депосы иеленді. Ал байқау қорытындысының үшінші тобында бірінші орын Аягөз локомотив пайдалану депосының ұжымына бұйырып, екінші және үшінші орынды Атырау және Түркістан локомотившілері жеңіп алды. 

Поделиться:
Популярные новости
3 / 14.07.2025

Бейнеу станциясындағы ТЧЭ-6 Маңғыстау филиалының ДОЛБ ғимаратының күрделі жөндеуі аяқталды

Еңбек жағдайларын жақсартуға арналған жоспарлы іс-шаралар аясында Бейнеу станциясындағы ТЧЭ-6 Маңғыстау филиалына қарасты локомотив қауіпсіздігі...

1 / 14.07.2025

Ақтөбеде «ҚТЖ – Жүк тасымалы» қызметкерлері ISO 19011 бойынша тәуекел-менеджмент пен ішкі аудитті меңгерді

2025 жылғы 9–11 шілде аралығында Ақтөбе қаласында «ҚТЖ – Жүк тасымалы» ЖШС филиалдары мен Орталық аппаратының қызметкерл...

2 / 13.07.2025

«ҚТЖ» ҰК» АҚ қызметкерлері Astana Triathlon Half жарысында жүлдегер атанды

Астана қаласында триатлонның әуесқойлары мен кәсіпқойларын бүкіл ел бойынша жинаған ауқымды Astana Triathlon Half сайысы өтті. Қатысушылар арасы...

Соңғы жаңалықтар

Жедел желі

Сіз Мінез-құлық кодексінің кез келген бұзушылықтары туралы, оның ішінде сыбайлас жемқорлық, алаяқтық, әдепсіз мінез-құлық, кемсітушілік фактілері туралы хабарлай аласыз.

Толығырақ


Серіктестер