ҚР мен ӨР теміржол әкімшіліктері пойыздардың жедел өткізілуі туралы келісімге келді

2018 жылдың 7 желтоқсанында Ташкентте «Қазақстан темір жолы» ҰК» АҚ Басқарма Төрағасының бірінші орынбасары Қанат Әлмағамбетов «Узбекистон темир йуллари» АҚ Басқарма Төрағасының бірінші орынбасары Фазлитдин Сагдуллаевпен теміржол көлігі саласындағы ынтымақтастықты дамыту, Сарыағаш- Келес шекара өткелінің өткізу қабілетін арттыру туралы келіссөздер жүргізді.

Өзбек темір жолдары және одан әрі қарайғы бағытттар бойынша жүк ағымдарының артуына байланысты пойыздардың берілісі қиынға соғып, вагондар айналымы айтарлықтай нашарлады.

Осы мемлекетаралық түйіскен бекет арқылы күн сайын кем дегенде 26 жұп жүк вагондарын қабылдау және өткізуді қамтамасыз ету туралы келісімге қол жеткізілді (2017 жылы 17 пойыз, қазан-қараша айларында 21 жұп). Жылжымалы құрамды тиімді пайдалану, вагондар айналымын қысқарту үшін тараптар барлық қажетті шаралар қабылданады, соның ішінде вагондарды қалыптастыру, өңдеуін жылдамдату және алдын-ала ақпараттандыру жоспарларына өзгерістер енгізу және т.б. Жол бөлімшелерінде жедел штабтар құрылды.

Сонымен қатар, теміржолдық контейнерлік тасымалдаулар саласындағы ынтымақтастықты дамыту, жүк пойыздарын қалыптастырудың ағымдағы жоспарына өзгерістер енгізу мәселелері қарастырылды. Астық және ұн тиелген вагондардың бір бөлігін Ақмола, Қостанай, Павлодар, Қарағанды теміржол бөлімшелерінің станцияларынан, белгіленген Сарыағаш өткелінің орнына, Оазис өту бекеті арқылы Галаба станциясына қайта бағыттау туралы шешім қабылданды.

Тараптар ҚР мен ӨР аумақтары арқылы транзиттік жүктерді тасымалдау үшін бәсекеге қабілетті тарифтерді қамтамасыз ету мәселелерін қарастыру туралы уағдаласты.

Келіссөздер қорытындысы бойынша тиісті Хаттамаға қол қойылды.