Ақмола темір жолы бөлімшесінде қазақ күресі белдесуінен мықтыны анықтады

Көкшетауда Ақмола өңірінің теміржолшылары арасында Тәуелсіздік күніне арналған қазақ күресі ұлттық белдесуі бойынша жарыс болып өтті.

Жарыс Ақмола темір жолы бөлімшесінің кәсіподақ комитеті мен басшылығы бастамасымен өтті.

Байқауға Көкшетау, Бурабай-Курорты, Тайыншы, Володар, Қарағай және Атбасар теміржол мекемелерінің 30 тарта өкілі қатысты. Белдесуге 60 келіге дейінгі, 74 келіге дейінгі және абсолюттік салмақтағы балуандар шықты.

Жарыстың қорытындысы бойынша 60 келіге дейінгі салмақта бірінші орын Атбасар дабыл және байланыс дистанциясының электрмеханигі Самат Шахаровқа, екінші орын – Новоишим локомотив депосының машинисі Сәкен Әбітайға, ал үшінші орын Көкшетау станциясының реттеушісі Өмірбай Халелге бұйырды.

74 келі салмаққа дейінгі күресте бірінші орынды Атбасар вагондарға техникалық қызмет көрсету пунктінің тексерушісі Нұрсұлтан Қонысовқа, екінші орын – Көкшетау ішкі істер желілік бөлімшесінің қызметкері Абылай Досановқа, үшінші орын – Көкшетау станциясының құрастырушысы Жанбота Әлжановқа бұйырды.

Абсолюттік салмақ дәрежесінде Көкшетау айналма депосының машинисі Мирас Оспанов жеңімпаз атанды.

Жарысты ұйымдастырушылар атап өткендей, ұлттық жекпе жек теміржолшылар арасында үлкен сұранысқа ие.