Мекен жайы Астана қ., Қонаев көш., 10 үй, 7 қабат
Call-center 8 (7172) 60-30-30
8 (7172) 60-32-52
Алтынкөл станциясында транзитті дамыту және ұлғайту мәселесі талқыланды
1919 / 20.10.2018 15:21

Алтынкөл станциясында транзитті дамыту және ұлғайту мәселесі талқыланды

Ағымдағы жылдың 19 қазанында Алтынкөл станциясында «Транзитті дамыту және ұлғайту» тақырыбында конференция өтті. Іс-шараға «ҚТЖ - Жүк тасымалы» АҚ Алматы филиалының, «KTZE Khorgos Gateway» ЖШС, «Евротранзит КТС» ЖШС, «Кедентранссервис» АҚ қызметкерлері, Біріккен көліктік-логистикалық компаниясы - Еуразия теміржол альянсы, ҚР Ұлттық экспедиторлар қауымдастығы, Қазақстанның «Kazlogistics» көлік қызметкерлері одағы өкілдері, жүк жөнелтушілер мен жүкті алушылар қатысты.

Қатысушыларға Алтынкөл станциясының, жүк тиеу терминалдарының, оның ішінде ауыр салмақты және габаритті емес, ақтарыла тиелетін және үйінді жүктердің презентациялары ұсынылды. Кездесу барысында кедендік декларациялау, тауарларды уақытша сақтау қоймаларында шоғырландыру және сақтау мәселелеріне көп көңіл бөлінді.

- Қазақстанның транзиттік әлеуетін арттыру үшін біздің станция маңызды рөл атқарады, сондықтан біз үнемі жүктерді тарту, кірме жол және қайта жүктеу терминалдарында инфрақұрылымдық қуаттылықты дамыту, Қытайдан Қазақстанға, Орталық Азия мен Еуропа елдеріне жүретін пойыздардың кешігуін болдырмау бойынша жұмыстар жүргіземіз, - деді Алтынкөл станциясының басшысы Жандос Ұнтақбаев.

Қазақстан-қытай шекарасында орналасқан Алтынкөл теміржол станциясы қазірдің өзінде дамудың қуатты серпінін алуда. 9 ай ішінде «Алтынкөл-Хоргос» шекара өткелі арқылы 2 млн. тоннадан астам жүк тасымалданды, бұл өткен жылдың сәйкес кезеңімен салыстырғанда 161% артық. Оның ішінде импорт 1,7 млн. тоннадан асады, бұл 2017 жылға қарағанда 150%-ға артық. Экспорттық қатынаста Алтынкөл-Хоргос шекаралық өткелі арқылы жүк тасымалдау көлемі 312,8% -ға артты.

Достық және Алтынкөл қазақстандық станциялары арқылы ҚХР-Еуропа-ҚХР бағытындағы контейнерлік пойыздар санының артуы бойынша ай сайын оң өсім сақталуда. Осылайша, үстіміздегі жылдың 9 айында «ҚТЖ» ҰК» АҚ желісі бойынша 3 163 контейнерлік пойыз жүрді. ҚХР-Еуропа бағытындағы өсім 1,4 есе, кері бағытта - 1,8 есені құрайды. Бүгінгі күні Алтынкөл станциясының контейнерлік жүктерді өңдеу қуаттылығы тәулігіне 5000-нан астам ДФЭ құрайды.

- Біз жүктерді өңдеуді әрі қарай тиімді жеделдетуді, қауіпсіздік пен орындалатын операциялар сапасының жоғары стандарттарын енгізуді көздейміз, - дейді Ж. Унтакбаев.


Поделиться:
Популярные новости
397 / 28.11.2023

«ҚТЖ – Жүк тасымалы» ЖШС ғимараттары мен құрылыстарын ағымдағы жөндеу жоспары 90% орындалды

«ҚТЖ – Жүк тасымалы» ЖШС-ның 422 өндірістік нысанында ағымдағы жөндеу жұмыстары аяқталды. Павлодар локомотив пайдалану депосының ӨТБ, Екібастұз-...

886 / 13.11.2023

Достық станциясында экспорттық жүктерді беру бойынша ТЖЫҰ жылдық жоспары мерзімінен бұрын орындалды

           2023 жылғы 13 қарашада Достық шекаралық өткелі арқылы Алашаңқай станциясына (ҚХР) салмағы 3700 тонна қазақстандық жүктер құрамы беріл...

939 / 13.11.2023

Ауа-райының нашарлауына байланысты ҚХР-да жүктерді түсіру баяу жүріп жатыр

         Ағымдағы жылдың 13-18 қараша аралығында Алашаңқай шекаралық станцияда (ҚХР) жүктерді түсіру баяу жүргізілуде, осыған байланысты астық, ...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ


Серіктестер