Пойыз машинисттері 2 мыңнан астам шұғыл тежеу қолданды

2018 жылдың 9 айы ішінде теміржол жолдарында қақтығыстарға жол бермеу үшін пойыз жүргізушілері 2 мыңнан астам шұғыл тежеуді пайдаланды.

Сонымен қатар, адамдармен соқтығысуды болдырмау үшін 731 шұғыл тежеу тіркелді. Машинистердің кәсіби іс-әрекеттерінің арқасында 92% жағдайда қайғылы жағдайдан құтылудың сәті туды. Өкінішке орай, салмағы 6 мың тонна және қозғалыс жылдамдығы 60-80 км/сағ, тежеу жолының ұзындығы 600-800 метр жүк құрамын пойыз әрдайым тоқтата алмайды.

Теміржолшылар жолдарда жарақаттанудың алдын алуға ерекше көңіл бөледі. Ауқымды ақпараттық-ағарту жұмыстары жүргізілуде. Астанада жаңа оқу жылының алдында жасөспірімдер мен балалар арасында тақырыптық акция басталды. Қауіпсіздік бойынша ашық сабақтар өткізілуде. Темір жол өтпелері мен вокзалдарда түсіндіру жұмыстары жүргізілуде. Роликтер көрсетіліп, арнайы ескертпе қағаздар таратылуда.

Теміржол жолдарының жанында орналасқан елді мекендердің тұрғындарымен 1600-ден астам кездесу ұйымдастырылды. 40 мыңға жуық азамат дәрістерді тыңдады.

Іс-шаралар жоспарын орындау шеңберінде көлік прокуратурасының, полицияның, ҚР ИДМ аумақтық көліктік бақылау органдарының, БАҚ өкілдерінің қатысуымен Үйлестіру кеңесінің 40-тан астам отырысы өткізілді.