Тобыл-Күшмұрын учаскесі бойынша пойыздар кестеге сәйкес жүріп жатыр

Тобыл-Күшмұрын учаскесі бойынша пойыздар кестеге сәйкес жүріп жатыр

Ағымдағы жылдың 6 қыркүйегінде 5 сағат 55 минутта Қостанай жол бөлімшесінің Тобыл-Күшмұрын учаскесіндегі Казанбай станциясында күрделі жол жөндеуіне қиыршық тас жеткізуші жұмысшы пойыздың екі жүк вагонының жолдан шығып кетуі орын алды.

«IntegraConstruction KZ» ЖШС-не тиесілі вагондар екі дөңгелек жұппен рельстен шығып кетті. Қозғалыс кезінде бірінші дөңгелек жұбы осінің орташа бөлігінің сынуы себебі анықталды. Дөңгелек жұбының жөндеу жұмысы Павлодар вагон жөндеу депосында 2017 жылдың сәуірінде жөнделді.

«Астана-Маңғышлақ» бағытындағы №37 жолаушылар пойызының қозғалысы 1 сағат 15 минут ішінде қалпына келтірілді.

Қазіргі уақытта Тобыл-Күшмұрын учаскесі бойынша пойыздар белгіленген тәртіп бойынша жүріп жатыр.

«ҚТЖ – Жүк тасымалы» АҚ баспасөз-қызметі