ЖТ Қостанай бөлімшесінің командасы автоматтандырылған және ақпараттық жүйелер жұмысы бойынша жақсы білім көрсетті

Ақтөбе қаласында станцияның технологиялық процесімен байланысты ақпараттық жүйелер мен автоматтандырылған басқару жүйелерінің жұмысы бойынша семинар өткізілді.

Семинар барысында «ҚТЖ-Жүк тасымалы» АҚ-да ақпараттандыруды дамыту келешегі талқыланды, жаңа кеден заңнамасының нормалары түсіндірілді, жүк тасымалдау бөлімдерінің ақпараттық жүйелерді пайдалану кезінде туындайтын проблемалық мәселелері қаралды.

«Семинар өте қызықты болды, ең алдымен, баяндамашылардың жоғары ұйымдастыру деңгейі мен кәсібилігін атап өткім келеді. Мұндай іс-шаралар қызметкерлерді дамыту үшін маңызды және құнды болып табылады», - дейді ЖТ Қостанай бөлімшесі директорының орынбасары Руфат Бейлов.

Семинар барысында автоматтандырылған және ақпараттық жүйелер жұмысын білуге викториналар мен конкурстар өткізілді. Жарыстардың қорытындысы бойынша бірінші орынды ЖТ Қостанай бөлімшесінің командасы иеленді.