2018 жылдың сәуірінде темір жол көлігімен жүк тасымалдау көлемі 11,4%-ға артты

«ҚТЖ» ҰК» АҚ желісі бойынша ағымдағы жылдың сәуір айында 20,7 млн тоннадан астам жүк тасымалданды, бұл 2017 жылдың сәйкес кезеңімен салыстырғанда 11,4% жоғары.

Сонымен бірге, 7,9 млн. тонна көмір, 876 мың тонна астық тасымалданды, бұл өткен жылдың сәуіріндегі көрсеткішпен салыстырғанда сәйкесінше 4% және 33,9%-ға жоғары.

2018 жылдың басынан бастап жүктерді тиеудің жалпы көлемі 80,9 млн. тоннаны құрады, бұл өткен жылғыдан 7,1%-ға жоғары.

Үстіміздегі жылдың төрт айында «ҚТЖ» ҰК» АҚ жүк айналымы 71 млрд. астам тонна-км құрады, бұл өткен жылғыдан 10,9% жоғары. Соның ішінде сәуір айында - 18 млрд. тонна-км астам, бұл 2017 жылдың сәуіріне қарағанда 12,7%-ға артық.