Мекен жайы Нұр-Сұлтан қ., Қонаев көш., 10 үй, 7 қабат
Call-center 8 (7172) 60-30-30
1655 / 21.02.2012 00:00

А.Мамин: «Жезқазған-Бейнеу» және «Арқалық-Шұбаркөл» теміржолдары 2015 жылы пайдалануға беріледі

Бұл туралы бүгін Үкімет отырысында "Қазақстан темір жолы" Ұлттық компаниясының басшысы Асқар Мамин мәлім етті.

Оның атап өтуінше, «Жезқазған-Бейнеу» теміржолының жалпы ұзақтығы 988 шақырымды, оның ішінде «Шалқар-Бейнеу» учаскесі 471, «Жезқазған-Сексеуіл» учаскесі 517 шақырымды құрайды. Жобаға сәйкес 13 стансы, 30 разъезд ашу көзделген. Құрылыс жұмыстарының ұзақтығы - 45 ай. Темір жолды салу барысында 10 мыңнан астам адам жұмысқа тартылады. Ал темір жол желісі пайдалануға берілгеннен кейін шамамен 3 мың адам тұрақты жұмыс орнымен қамтамасыз етіледі.

Ал «Арқалық-Шұбаркөл» теміржол желісінің ұзақтығы 214 шақырым. Жобада 4 стансы және 1 разъезд салу көзделген. Құрылыс ұзақтығы - 41 ай. Құрылыс жұмысына 2 мыңнан астам адам тартылып, теміржол желісі пайдалануға берілгеннен кейін 600 адам тұрақты жұмыс орнына ие болады.

«Біздер өндіріс жұмыстарының алдын ала кестесін әзірледік. Онда құрылыс жұмыстарын ағымдағы жылдың маусымында бастау көзделген», - деп атап өткен компания басшысының сөзіне қарағанда, бастапқы кезеңде құрылыс алаңдарын дайындау, вахталық елді мекендер ұйымдастыру, қажетті техникаларды жұмылдыру шаралары қолға алынбақ.

Оның атап өтуінше, жобаны жүзеге асыру отандық мердігер ұйымдардың күшімен жүзеге асырылмақ. Бұл ретте заманауи дабыл және байланыс жүйесін енгізу жоспарланған. Сонымен қатар құрылыс жұмыстарына пайдаланатын материалдардың басым бөлігі отандық кәсіпорындардың өнімі болмақ. Жалпы жобаға тартылатын қазақстандық қамту көлемі 80 пайызды құрамақ.

«Жаңа теміржол желілерін 2015 жылдың бірінші жартыжылдығында пайдалануға беру көзделуде», - деді А.Мамин.

ҚазАқпарат, Марлан Жиембай

Поделиться:
Популярные новости
582 / 20.11.2017

Локомотивтер қысқа дайын

«ҚТЖ-Жүк тасымалы» АҚ локомотив паркі қыс маусымында жұмыс істеуге толық дайын. Компанияның локомотив пайдалану деполарында локомотивтердің техн...

1719 / 30.05.2012

Теміржолшылар сақ болуға шақырады

Қайыржан ТӨРЕЖАН Бүгінгі күні қайғылы жағдайларға соқтыратын әртүрлі төтенше оқиғалар сияқты теміржол бойындағы оқыс оқиғалардың статикасы да ...

1472 / 27.03.2012

Сергектік айқындау ушін

Наурыз мейрамын тойлау желеуі Орал қаласының қанаушылықты локомотивті депо қызметкерлері тепловоз жүргізуші Александр Прусс және оның көмекшісі ...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ

Серіктестер