Тоғыз айдағы табыс

Жамбыл локомотив пайдалану депосы биылғы жылдың тоғыз айын табыспен қорытындылады.

Тоғыз айда белгіленген жоспар бойынша 12646,421 млн. тонна км. брутто жүк тасымалдау керек болса, оның орнына Жамбыл локомотившілері 13197,723 млн тонна км. брутто жүк тасып, межелі жоспарды 106,68 пайызға артығымен орындады. Өзге көрсеткіштер бойынша да жоспарды асыра орындаған кәсіпорын ұжымы күзгі комиссиялық тексерістен де сүрінбей өтті.

Локомотивтердің қажет деп табылғандарын күр­делі және ағымдағы жөн­деулерден өткізді. Қа­зір­гі уақытта қыс айларына сақадай сай дайын тұрған локомотивтер эстетикалық талапқа сай сырланып, әдеміленген.

Мамандардың білігін үнемі шыңдап, біліктілігін арттырып отыруды қағида еткен ұжым басшылығы биылғы жылы 28 қызметкерді оқуға жіберіпті. Оның жетеуі машинист көмекшілері. Жалпы 756 адам еңбек ететін кәсіпорында еңбек тәртібі мен қауіпсіздік саласына да баса назар аударылады. Нәтижесінде өткен тоғыз айда келеңсіз жағдайлар орын алған жоқ.