Қарағанды ЖТ бөлімінің ғимаратында құрметті теміржолшыға мемориалдық тақта орнатылды
Көлік қызметкерлері күніне орай Қарағанды ЖТ бөлімінің ғимаратында көрнекті адам, құрметті теміржолшы, өз ісінің кәсіпқойы Сергей Тарасовичтің құрметіне ескерткіш тақта ашылды.
Іс-шараға Қарағанды-Сортировочная станциясында орналасқан теміржол ұйымдарының, кәсіподақ ұйымдарының басшылары, теміржол көлігінің ардагерлері қатысты. Мемориалдық тақтаны ашу құқығы ардагер - теміржолшылар Виктор Погонин мен Дулат Серіковке берілді.
- Біз мұнда өз ісінің патриоты, айрықша және еңбекқор адамды еске алуға жиналдық. Оның Қарағанды облысының теміржол магистралін дамытуға қосқан үлесі баға жетпес. Оның өмір жолы бәрімізге үлгі, - деді «ҚТЖ - Жүк тасымалы» АҚ – «Қарағанды ЖТ бөлімі» филиалының директоры Марат Ибраев.
Басқарма төрағасының м.а. - «ҚТЖ-Жүк тасымалы» АҚ Бас директорының кеңесшісі Қадыл Таласпеков Сергей Тарасовичпен жеке таныған және жұмыс істеген.
- Бүгін біз теміржол саласын дамытуға үлкен үлес қосқан адамды құрметпен еске аламыз. Сергей Тарасович - өз саласының нағыз маманы, таңдаған ісін шексіз сүйетін, қолынан іс келетін және талантты тұлға, - деді ол.
Сергей Ким 1942 жылы туылған. Еңбек жолын 1962 жылы бастады. Большая Михайловка станциясының кезекшісі, пойыз диспетчері, бөлім бойынша кезекші, аға пойыз диспетчері, Жаңаауыл станциясының бастығы болып жұмыс істеді. 1997 жылы тасымалдау қызметінің бастығы лауазымын атқарды. Эксплуатациялық жұмыс жөніндегі бөлім бастығының орынбасары болып жұмыс істеді. 2002 жылы Қарағанды жол бөлімшесі бастығының бірінші орынбасары болып тағайындалды. 2006 жылы құрметті демалысқа шықты.
2009 жылдың 16 маусымында Сергей Тарасович өмірден озды.
