АЛМАТЫ-1 ТЕМІРЖОЛ ВОКЗАЛЫНДА №9 «АСТАНА-АЛМАТЫ» ПОЙЫЗЫНЫҢ ЖОЛАУШЫЛАРЫНА ТИІСТІ БАРЛЫҚ КӨМЕКТЕР ЖАСАЛДЫ

АЛМАТЫ-1 ТЕМІРЖОЛ ВОКЗАЛЫНДА №9 «АСТАНА-АЛМАТЫ» ПОЙЫЗЫНЫҢ ЖОЛАУШЫЛАРЫНА ТИІСТІ БАРЛЫҚ КӨМЕКТЕР ЖАСАЛДЫ
Алматы-1теміржол вокзалында №9 «Астана-Алматы» пойызының жолаушыларына тиісті барлық көмектер жасалды. №9 пойыздың 400 жолаушысы Алматыға жеткізілді. Алматы-1 теміржол вокзалына жеткізілген жолаушыларға медициналық көмек жасалды. Оннан астам жедел жәрдем машиналары мен вокзал медициналық бекетінде кезекшілік ұйымдастырылды. Жолаушыларға теміржол билетінің ақысын қайтару жөнінде қосымша ақпараттық-анықтама қызметі көрсетілді.
«Адамдарды көздеген орындарына дейін жеткізу үшін Шуға 7 жолаушылар вагоны жіберілді»,-деп хабарлады «ҚТЖ-Жүк тасымалы» АҚ Алматы филиалының директоры Сәрсебек Жапаров.
Жолаушылардың айтуынша, апат болған бойда жолсеріктер жолаушыларды шұғыл түрде вагоннан сыртқа шығарған. Көп өтпей теміржолшылар жолаушыларды басқа пойызға отырғызып, Алматыға жіберген. 
Аталмыш оқиға басқа пойыздардың қозғалыс кестесіне әсер еткен жоқ.

«Қазақстан темір жолы» ҰК» АҚ баспасөз қызметі