Келесі жылға арналған Тариф саясаты биылғы жылы 24-27 қазанда Душанбеде «ҚТЖ-Жүк тасымалы» АҚ – Тариф саясаты істері Басқармасы төрағалығымен өткен XXVI тарифтік конференциясында бекітілді.

Әзірбайжан, Белорус, Қазақстан, Қырғызстан, Латвия, Ресей, Тәжікстан, Түрікменстан, Өзбекстан, Украина, Эстония теміржол әкімшіліктерінің өкілдері жүктерді халықаралық бағдарларда тасымалдаудың теміржол әкімшіліктеріндегі тарифтік жағдайларына қатысты алып өту құны тәртібіне өзгерістер мен толықтыруларды қабылдады.

Тариф саясаты ТМД қатысушы – мемлекеттердің теміржол әкімшіліктерінің тариф саясатының белгіленген Тұжырымдамасы тәртіптеріне сәйкес жасалды. Тұжырымдама 1996 жылы ТМД елдері үкіметтерінің Кеңесінде бекітілген болатын.