«ҚТЖ - Жүк тасымалы» ЖШС 2020 жылдың 28 тамызынан бастап «ҚТЖ - Жүк тасымалы» акционерлік қоғамы «ҚТЖ - Жүк тасымалы» жауапкершілігі шектеулі серіктестігін қайта құру жолымен құрылды (заңды тұлғаны мемлекеттік қайта тіркеу туралы анықтама, 28.08.2020 ж.). «ҚТЖ - Жүк тасымалы» акционерлік қоғамы 2016 жылдың маусым айында Бизнесті трансформациялау бағдарламасы аясында мақсатты ұйымдық құрылымға кезең-кезеңімен көшу жобасын іске асыру нәтижесінде құрылды. Бұл жоба «ҚТЖ» ҰК» АҚ бірқатар еншілес ұйымдарын оңтайландыруға мүмкіндік берді.

«ҚТЖ – Жүк тасымалы» ЖШС құрылымында Қазақстанның теміржол желісі бойынша клиенттерге қызмет көрсетуді жүзеге асыратын және жүк тасымалдау қызметтерінің толық спектрін ұсынатын жол бөлімшелері мен локомотив деполарынан құралған филиалдық желі бар.

Қазақстан Республикасы Үкіметінің 2017 жылғы 29 қыркүйегіндегі қаулысымен «ҚТЖ – Жүк тасымалы» ЖШС Ұлттық жүк тасымалдаушы мәртебесіне ие болды. «Темір жол көлігі туралы» Заңына сәйкес Ұлттық тасымалдаушының алдында әскери және арнайы тасымалдаулар, пойыздарды қалыптастыру жоспарын орындау міндеттері тұр. Мұндай мәртебеге ие болу – мемлекет тарапынан жасалып отырған жоғары сенімнің дәлелі.