Коммуналдық-тұрмыстық мақсаттағы қажеттіліктер үшін көмір тасымалдау "ҚТЖ" ҰК" АҚ-да ерекше бақылауда. Қатты отынды тиеуге арналған вагондар бірінші кезекте беріледі. Өңірлерде көмір жеткізу жүк алушылардың өтінімдеріне сәйкес жүзеге асырылады. Республика бойынша жылжымалы құрамды берудегі даурықпалар мен үзілістер тіркелген жоқ. 

 2023 жылғы мамырдан қыркүйекке дейін республика бойынша 3,2 млн тонна коммуналдық-тұрмыстық көмір, оның ішінде Ботақара станциясынан 17,6 мың тоннасы тасымалданды. Оның 7,6 мың тоннасы немесе 43% станциядан тұрғындар үшін, қалғаны-өнеркәсіптік кәсіпорындарға жеткізілді.

       Жыл сайын Қарағанды облысының Ботақара станциясы разрездерінен коммуналдық-тұрмыстық көмірді темір жол көлігімен тиеп-жөнелту үлесі тасымалдардың жалпы көлемінің 0,005% құрайды. Станциядан көмір Кузнецкий және "SatKomir" МК" АҚ разрездерінен жөнелтіледі. Ағымдағы жылдың қыркүйегіне разрездерден 14,1 мың тонна қатты отын жөнелту жоспарланған, қыркүйектің 27 күнінде 11 мың тонна жөнелтілді. Қазіргі уақытта станцияда көмір тиеуге арналған 65 вагон бар. Жүк жөнелтушілерден басқа өтінімдер түскен жоқ. 

Коммуналдық-тұрмыстық көмірді тасымалдау вагондармен толық көлемде қамтамасыз етілуде. 

"Қазақстан темір жолы" ҰК" АҚ баспасөз қызметі